Tips til enkel og effektiv trening heime

God Kveld!

Eg har no brukt nokon dagar på å sette meg inn i bloggverda, opplegg, kodar og alt kva det inneber, og no er eg veldig klar for å blogge litt :)

Endeleg er eg kome godt igang med treninga, nå må eg bare sjå til å få det meste dokumentera, det tek litt tid å få rutine på alt dette! 18. Mai tok me oss ein sykkeltur i marka, eg hadde fått lasta ned Endomondo og gleda meg til å få dokumentera fyrste langturen min. Ivrig som eg var, vart den aldri satt i kvilemodus, så halvvegs daua den, jepp, ingen dokumeotasjon. Men vel heime kunne me nyte sola som valgte å koma og gjera denne pinsehelga ekstra triveleg. Og sjølv om dokumentasjonen ikkje gjekk heilt som planlagt så sitt me igjen med ein fantastisk fin tur, og ein nyttig svetteøkt bak oss.

20. Mai var det dags for Høgintensiv trening i hagen. Emil kosa seg med tante medan Rikard og eg jogga 10 min som oppvarming, Filip tok lett følge med balansesykkelen sin.
Opplegget i hagen var ein sirkeltrening på tid, 5 ulike øvelsar skulle gjennomførast x3 uten pause.
1. Eksentrisk Pull-Ups: 6 stk (Sjå bilde for utføring)
2. Utfallsteg, ca 20 meter
3. Push-up, 10 stk (Eg gjer denne mot benk, da eg har problem med håndledda mine) Orkar du, kjører du på bakken! Rikard viser sin variant 😉
4. Opphopp på benk, 10 stk (hoppe opp, strekke seg, ned og opp igjen)
5. Kettle-bell swing, 10 stk swing (sjå bilde, Filip visar utgangsposisjon, eg sluttposisjon) deretter 5 stk løft med kettle-bellen frå bakken til opp over hodet (ingen bilder)

Morsom, enkel og effektiv styrketrening med familien.

Morsom, enkel og effektiv styrketrening med familien.

Alle øvelsane blei utført i tre omgangar, så raskt som mulig uten kvile. Som sagt tidlegare, eg likar det effektivt, og denne økta tok ca 30 minutt med oppvarming, trening (12 min) og uttøying. Og det beste av alt at me gjorde heile økta som ein familie, veldig moro. Opplegget kan utføras med fleire variantar, alt ifrå ein satt serie som eg utførde, eller f.eks på tid- då kjører du hardt, heilt til tida er over, sei ca 10 minutt. På denne tida kan du ha rekke alt frå 2 1/2 til 4 rundar.

Håpar dagens treningstips kan vera til inspirasjon til di neste treningøkt!
/Monica

Comments

comments

Comments are closed.

Share This